El tiempo futuro se emplea para expresar una acción por realizarse, tanto en un futuro inmediato como lejano. En Quechua el futuro se denomina qhipa pacha. Para cada pronombre personal utilizamos un sufijo diferente para expresar la acción que realizará en el futuro. En esta unidad conoceremos y aprenderemos sobre los planes hacia el futuro.

A modo de recordar lo aprendido veamos cómo podemos utilizar el tiempo futuro con los diferentes pronombres personales.

Repasemos lo aprendido conjugando el verbo tarpuy:

Ñuqa wataman papata tarpusaq llapa chakraykunapi	Yo sembraré papa al año siguiente en todas mis chacras
Qam hamuq wata anista tarpunki chimpa chakrakunapi	Tú el siguiente año sembrarás anís en las chacras del frente
Pay hatun puquy killapi tarwita tarpunqa Yawrichupi	Ella en el mes de febrero sembrará tarwi en Yawrichu
Ñuqayku hamuq watakuna alfata tarpusaqku wasi punkupi	Nosotros en los siguientes años sembraremos alfalfa en la chacra delante de la casa
Ñuqanchik watakunaman linasata tarpusunchik Pampawachupi	Nosotros en los siguientes años sembraremos linaza en Pampawachu
Qamkuna wataman garbansuta tarpunkichik Ankaqtiananpi	Ustedes el siguiente año sembrarán garbanzos en Ankaqtianan
Paykuna kay killakuna habasta tarpunqaku uray chakranpi	Ellos en estos meses sembrarán habas en la chacra de abajo

Ahora leamos lo que harán diferentes personas en el futuro:

1. Marcilachamanta

Marcilachaqa Qusqupim tiyachkan ichaqa hamuq wata Mulli Mulliman hampukapamunqa. Mulli Mullipim tiyakunqa, chaypaqtaq wasichanta ruranqa. Wasi rurananpaqtaq Girachata valikunqa. Giracham yachan wasi ruraytaqa, payqa maistru albañilmi, allin riqsisqa. Chaymanta Marcilacha firrukunata simintuta tiqakunata ima rantinqa. Hatun wasita qispichinqa, wawankunawan ima tiyakunanpaq. Chaymanta, Mulli Mullipi chakrata llamk’anqa. Papanpa saqitamusqan chakrakunapi anista, arbijata, frijulta, sarata, linasata, triguta ima tarpunqa. Chakra llamk’ananpaq ayllunkunata valikunqa, ayninkuta mañakunqa. Chaymantataq chakra rurusqanta vindinqa Curahuasipi.

2. Aruchamanta

Aruchaqa kay wata Curahuasi wasiman kutirqamun Qusqu llaqtamanta. Ayllunwan parlaspataq hamuq wata rurananmanta willarikun. Aruchaqa Limaman ripunqa, chay llaqtapi tiyakunqa wakin ayllunwan. Limapim tiyakunku wawqinkuna panankuna ima. Lima llaqtapim llamk’apakunqa wasikuna ruraypi, wasikuna qispichiypi. Chaymanta sapa sawaru p’unchaw llamk’aq masinkunawan futbulta pukllanqa. Chaymanta sapa dumingu p’unchaw ayllunwan tupanqa hinaspa wayk’uyta yanapakunqa. Chaymanta inlisyamanpas rinqa misa uyarikuq, tayta kura rimasqanta uyarikunqa. Chaymanta sapa Ayamarka killa Curahuasi llaqtaman kutimunqa hatun fistapaq, chaypi tusunqa takinqa ima llaqtamasinkunawan.

3. Puca Pucakunamanta

Puca Pucakunaqa hamuq killam hatun fistanta ruranqaku. Ña wata muyurqamunña hinaspa Puca Pucaq hatun fistan chayarqamunña. Kay fistapaqtaq imaymanata ruranqaku. Hatun phayna rurakunqa, hatun phaynapitaq ñankunata ima allchakunqa. Chaymantataq futbul pukllakunqa, kaypaqtaq wakin kumuniraskunata mink’arikunqaku. Chaymantataq tukuy ima llallinakuykuna kanqa. Qallarikunqa chakra mikhuna wayk’uywan vindiywan ima. Chaymantataq kanqa aqha tumay llallinakuy, papa bunday llallinakuy, llant’a ch’iqtay llallinakuy ima. Kikin hatun p’unchawpi lliw Puca Pucakuna Piru unanchanta isanqaku. Chay p’unchaw tukuyninmantaq Puca Pucakunaqa tusunqaku takinqaku ima. Hamuq p’unchawtaq uywakunata p’itachinqaku hatun llallinakuypi. Chaypaqmi uywakunata apamunqaku huk llaqtakunamanta ima, munay uywachakuna chayamunqaku Puca Pucamanqa. Hamuq p’unchawtaq turu pukllay rurakunqa, phiña turukuna chayamunqaku Yawrichumanta, Antillamanta, Graumanta ima. Turu pukllaywanmi Puca Puca fistaqa tukukapunqa.

4. Davikuchamanta

Davikuchaqa hamuq wata yachaywasinpi yachakusqanta tukunqa. Payqa Curahuasi llaqtapim yachakuchkan, kikin plasachapim yachaywasinqa. Chaymanta Qusqu llaqtaman ripunqa, chaypim hatun yachaywasipi yachakunqa. Payqa dirichutam munan yachakuyta, amachaqmi kanqa Davikuqa. Chaypaqmi Qusqu llaqtapi tiyanqa ayllu masinkunwan, tiyunkunaq wasinpim tiyanqa Davikuqa. Hatun yachay wasiman yaykunanpaqtaq allintaraq yachayninta mat’ipanan hatun admisiunman churapakunanpaq. Qusqupi sapa p’unchaw mikhunanta wayk’ukunqa. Chaymanta sapa sawaru p’unchaw p’achanta t’aqsanqa, sapa dumingu p’unchawtaq hatun taytamamanta watukunqa Curahuasi llaqtaman. Curahuasimantataq papa, sara, paltay ima q’ipiykusqa kutikanpunqa.

Hampukapamunqa	Volverá
Sawaru	Sábado
Dumingu	Domingo
Inlisya	Iglesia
Kura	Sacerdote católico
Ayamarka killa	Noviembre
Killa	Mes
Phayna	Faena
Llant’a ch’iqtay	Hacer leña
P’itay	Correr
Yachay wasi	Escuela, Colegio
Amachaq	Abogado
Mat’ipay	Mejorar, reforzar
P’acha	Ropa
T’aqsay	Lavar
Q’ipiy	Cargar
Inlis simi	Idioma inglés

Ahora practiquemos creando oraciones relacionadas al tiempo futuro. Lee nuevamente lo que harán en el futuro Marcilacha, Arucha, los comuneros de Puca Puca y Davikucha. Luego escribe diferentes oraciones y júntalos en un párrafo contando tu plan para el futuro. No te olvides de utilizar la pabra chaymanta para conectar tus ideas.

Puedes seguir este ejemplo:

Ñuqa hamuq wata Limaman risaq. Chaymanta Limapi llamk’apakusaq, inlis simita yachachisaq. Aylluykunapa wasinpi tiyapakusaq. Chaymanta sapa sawaru p’unchaw tiyayta yanapasaq wasinpi imaymana ruraykunawan. Chaymanta dumingu p’unchawkunataq samasaq. Chaymanta watapi iskay kutillatapas taytamamayta watukusaq.